TEMBUNG LINGGA LAN TEMBUNG ANDHAHAN : Kawruh ringkes

 A.    TEMBUNG LINGGA

        Tembung lingga  utawa bahasa Indonesiane kata dasar, yaiku tembung kang durung owah saka            asale,  dadi tembunge isih asli.

        Tembung lingga ana sing sawanda (1 suku kata), rong wanda (2 suku kata) , telung wanda (3 suku         kata)  lan  patang wanda (4 suku kata).

        Tuladha:

        Tembung lingga sawanda, yaiku: tas, sak, tuk, wis, lsp

        Tembung lingga rong wanda , yaiku: tuku, pangan, donga, buku, lsp

        Tembung lingga telung wanda , yaiku: prakara, mustaka, sepatu, lsp

        Tembung lingga patang wanda , yaiku: bagaskara

B.    TEMBUNG ANDHAHAN

        Tembung andhahan utawa bahasa Indonesiane kata berimbuhan, yaiku tembung kang wis owah            saka asale. Owahe sarana ditambah, dirangkep lan dicampur/dicambor.

        Dumadine tembung andhahan sarana ditambah, bisa ditambah ngarep, tengah, mburi, tengah                mburi lan ngarep mburi.

        1.    Tambahan ngarep jenenge ater-ater (awalan)

                a.    Ater-ater anuswara yaiku: ny-, m-, ng-, n-

                       Tuladha: nyapu, njoged, manga, mbubur, ngudang, nggoreng, nulis, ndonga

                b.    Ater-ater tri purusa yaiku: dak-, ko, di-

                       Tuladha: daktulis, kokjupuk, diwaca.

                c.    Ater-ater ka-

                       Tuladha: kajupuk, katulis, kagawa

                d.    Ater-ater sa-

                       Tuladha: satengah, sapikul

                e.    Ater-ater pa-

                      Tuladha: pemut (saka pa-+emut), paweh

                f.    Ater-ater pi-

                      Tuladha: pikukuh, pitutur, piwales

                g.    Ater-ater pra-

                       Tuladha: prajurit, prawira

                h.    Ater-ater tar-

                       Tuladha: tarkadhang, tartamtu

                i.    Ater-ater kuma-

                      Tuladha: kumawani, kumingsung (saka kuma-+ingsun)

                j.    Ater-ater kapi-

                      Tuladha: kapiluyu, kapiadreng

                k.   Ater-ater kami-

                      Tuladha: kamitenggeng, kamisiset

        2.     Tambahan tengah jenenge seselan (sisipan)

                a.    Seselan -in- (manggon ing tengahing tembung, manawa rumaket karo tembung sing                               wiwitan aksara urip (konsonan), lan manggon ing sangarepe tembung, manawa rumaket                        karo tembung kang wiwitane akara swara (vokal)

                       Tuladha: jinupuk, sinerat, tinulis, ingapura, ingidak, ingobong

                b.    Seselan -um-

                        Manawa rumaket karo tembung kang wiwitane aksara mati, manggon ing tengah.                                    Nanging uga ana kang nyebal yaiku manawa rumaket karo tembung kang wiwitan                                    aksara /w/, /p/, /b/, mligi aksara iki banjur owah dadi /k/ lan /g/.

                        Tuladha: sumambung (saka -um-+sambung), kumasis (saka  -um-+wasis), kuminter                                (saka -um-+pinter), lan gumagus (saka -um-+bagus). 

                        Sawatara manawa seselan -um-rumaket karo tembung kang wiwitan aksara swara banjur                         katambahan /k/, tuladha: kumayu (saka -um-+ayu), kumemping (saka -um-+emping)

                c.    Seselan -el-

                       Tuladha: dlewer (saka -el-+dlewer)

                d.    Seselan -er-

                       Tuladha: crekot (saka -er-+cekot)

        3.    Tambahan mburi jenenge panambang (akhiran) 

             a.    Panambang -a

                    Tuladha: lungaa, sekolaha, adoha

             b.    Panambang -i/ -ni

                    Tuladha: tulisi, jaluki, pakani

            c.    Panambang -e/ -ne, basa kramane -ipun 

                   Tuladha: pangane, tedhanipun, kelase, kelasipun, sepedhane, sepedhanipun

            d.    Panambang -an    

                   Tuladha: tulisan, panganan, dolanan

            e.    Panambang -en/ -nen

                   Tuladha: jupuken, tulisen, wacanen

            f.    Panambag -ana/ -nana

                   Tuladha: jupukanan, tulisana, gambarana

            g.    Panamnag -ake,  basa kramane -aken  

                   Tuladha: jupukake, pendhetaken, tulisake, serataken, tukokake, tumbasaken

            h.    Panambang -na

                   Tuladha: tulisna, wacakna, jupukna

            i.    Panambang -ku

                   Tuladha: sepedhaku, bukuku. dhuwitku

            j.   Panambang -mu

                  Tuladha: bukumu, sepedhamu, dhuwitmu

    4.    Tambahan ngarep+mburi lan tengah+mburi, jenege tambahan bebarengan. Dadi bisa ater-                      ater+panambang, bisa uga seselan+panambang.

           Tuladha: ditulisake (ater-ater di- lan panambang -ake). tinulisi (seselan -in-+ panambang -i)

   5.    Dirangkep basa Indonesiane kata ulang. Bisa dirangkep kabeh diarani dwi lingga, diramgkep                  ngarep diarani dwi purwa lan dirangkep mburi diarani dwi wasana.    

           a.    Dirangkep kabeh (dwi lingga)

                  Tuladha: dolan-dolan, warah-warah, jaluk-jaluk

            b.    Dirangkep ngarep (dwi purwa)

                   Tuladha: dedolan, wewarah, jejaluk

            c.    Dirangkep mburi (dwi wasana)

                   Tuladha: dhepipis, jegagak, cekikik

    6.    Dicampur/ dicambor. Bisa dicampur kabeh lan bisa dicampur saperangan wae.

           a.    Dicampur kabeh. Tuladha: sayuk rukun, rumah sakit, andhap asor, gula batu.

           b.    Dicampur saperangan. Tuladha: bangjo (saka abang+ijo), ndhekwur (saka                                              cendhek+dhuwur), lunglit (saka balung+kulit).